ЗахIмáтчагIи

ГIабдулаев ГIиса Ибрагьимович

ГIабдулаев ГIиса Ибрагьимович

ГIумруялъ рахIат бихьичIого хIалтIарав, ракI бацIцIадав магIарулав. Колхозалъе мокьрол ва куракул ахал гIезаруна гьав гIадатияв магIарулас. ГIумру абадияб жо гурелъул, Аллагьас кьурал къоял лъугIун гьав ахираталде ана, амма гьас гIезабураб ахикьа нигIматал жакъаги гIадамаз кванала. Гьал квераз гIезабураб цIолбол гIадинаб тату ва гьуинлъи кибниги букIинаро, мокьрол камиллъи ва кIодолъи! Компот гьабулаго къотIичIого банка-балоналъубе унаро. Лъимал гIезаруна, васазе лъудби рачана, ясал росабазе кьуна. Сабураб гIамалалъул гIодовиччарав инсан. Киданиги ццин бахъун, гьаракь борхун кIалъан ватиларо гьав. Ахират кьурав, алжан щварав ватаги ва мунагьал чураги гьасул.