ЧIиркъатIа тарихиял лъугьа-бахъинал

23 май 1940 сон. Куракул ракьа къарал ва кари барщизе гIагарлъарал къояз ЧIиркъатIе гIазу бан (гьеб хасалоцин къанагIатаб жо буго), цIорой ккун, кинабго пихъ хун буго. Инсанияталъул тарихалда жаниб бищунго гIассияб рагъ къоял анагIан нилъер ватIаналде гIагарлъулеб букIана.

27 февраль 1953 сон. 6 баллалъул къуваталда ракь багъарана. Халкъалда гьоркьоб хабар букIана хан хисизе вукIинелъул гIаламат бугин гьебин, амма гьелда божулев чиго вукIинчIо. Халкъалъ Сталин хвел гьечIевлъун толаан.

5 июнь 1967 сон. ЛъикIго дунял квачана ва мугIрузде гIазу бана, ва амма ...

4-5 июнь 1969 сон. 40 градусалде бахараб багIари букIана, гьединаб гIужалъул рекорд кола гьеб.

14 май 1970 сон. СагIат 21 тIубараб гIужалъ 9 баллалъул къуваталда ракь багъарана, росулъ гIмерал минаби риххана, риххарал минабазде гъоркье ккун рсулъ кIиго чи хвана, цоги лъукъелалги ккана. Амма доб заманалда СССР-алда гьединаб информация балъго гьабулаан.

15 февраль 1978 сон. 28 градусалъул хинлъи букIана.

13 июнь 1985 сон. 18 сагIатгун 20 мин бугеб заманалда 4 минуталъ гьоркьоса къотIичIого 10-15 гр бакIлъи бугеб горо бан гIадамазул шифер гъурана.